«Ұлылықтың отын жаққан шырақшы» танымдық кеш

Бесарық бекеті ауылдық кітапханасының ұйымдастыруымен сәуір айының 13-і күні Ұлт ұстазы Ахмет Байтұрсынұлының туғанына 150 жыл толуына орай және Бір ел-бір кітап 2022 республикалық акциясы аясында «Ұлылықтың отын жаққан шырақшы» тақырыбында танымдық кеш өткізілді. Мақсаты: Ахмет Байтұрсынұлының 150 жылдығына байланысты ақынның өмір жолы мен шығармашылығымен, қызмет жолымен таныстыру. Өлеңдерін түсініп оқу, мәнерлеп оқу дағдыларын қалыптастыру. Ахмет Байтұрсынұлының халықтық тәлім-тәрбиелік ойларының негізінде оқушылар бойына адамгершілік, ұлтжандылық, отансүйгіштік қасиеттерді дарыту, оның туған халқы үшін аянбай еткен еңбегін дәріптеу, ұрпаққа үлгі ету.

Шара барысында оқырмандарға ХХ ғасырдың біртуар азаматы, өз халқының айнасы болған ұлы қоғам қайраткері, ақын, ұстаз, ағартушы ғалым Ахмет Байтұрсыновтың өмірбаянын бейнеролик арқылы таныстырылды. Кітапханашы «Дәуірдің ұлы тұлғасы» атты кітап көрмесіне шолу жасап, оқырмандар ақынның өлеңдерін жатқа айтып, мысалдарын оқыды. Кітапханашы мен оқырман арасында сұрақ-жауап болды.